Aquaventure
مدينه اكوافينتشر المائيه في اتلانتس دبي
وايد ممتعه فيها قسم كبير للاطفال وفيها الزحلاقيات الكبار للاكشن
وفيها النهر طوييييل على دار مدار المدينه والطفاحيات وجانب من النهر فيه امواج
وعندهم شاطئ خاص للمدينه ومكان لاطعام السمج
بما ان احنا ساكنين في اتلانتس الدخول للمدينه كان مجاني
جانب من بدايه النهر والطفاحيات متروسه كل مكان
هذا صوب الامواج وااايد ممتعه يحس الواحد بالاكشن حتى اليهال يستانسون
هذي مغاره داخل الاكواريوم شعور حلو الماي والسمج حواليك
يريور (سمك قرش) صغيرون داخل الحوض
ممكن تجربون توكلون السمج بايدكم
هذا صوب الاطفال
احنا الكبار استانسنا فيها اكثر من اليهال كل مكان يصب الماي من فوق ومن تحت
وهذا الشاطئ وايد هادي ونظيف
ممكن تطلبون رقي واناناس وجوز هند فريش
في اكوافينتشر في عندهم مطعمين بس يقدمون نفس الاكل اهي الوجبات السريعه
هذي وجبه الاطفال يونس شكلها على سفينه اتلانتس
هذا كان غدانا في اليوم الاول في اكوافينتشر
تتوقعون جم سعر الوجبه هذي؟ برغر و٤ قطع دياي ووجبه اطفال؟
المفروض ٤ او ٥ دنانير
لكن في اكوافينتشر سعرها حوالي ١٧ دينار !!! ليش؟ طبعا يستغلون ان مافي مطاعم غيره وممنوع دخول الاكل من بره
وفي اليوم الثاني هذا غدانا (ماكو غير هالمطعم بالمدينه المائيه) والسباحه تيوع الواحد
كان سعرها اغلى شوي حوالي ٢٠ دينار !!
مدينه اكوافينتشر اتلانتس في دبي وايد حلوه وممتعه
لكن المدينه كلها اجانب يعني اللبس اهناك كله بكيني اللي مايحب يشوف هالمناظر انصحه ما يروح لها
لكن اللي يبي يستانس مع اهله وعياله ومايعيرهم اي انتباه وايد حلوه المدينه والكل راح يستمتع فيها
Filed under: Cool Stuff, Dubai, Food, Fun, Game, Hotels, Kids, Sea 
