Shangri-La’s Barr Al Jissah Resort and Spa – Muscat
بنقل لكم تجربتي في فندق الشانغريلا بر الجصة في مسقط عمان
سمعنا عنا كلام وايد حلو وكل اللي زاره من الاهل والاصدقاء مدحوه
لذلك قررنا نجربه بنفسنا
بحثت عن افضل العروض وطلع الطيران العماني مسوي له عرض جدا ممتاز
٣ ليالي بقيمة ١٤٥ دينار للشخص الواحد تذكرة واقامة وريوق
لكن مافي حجز اونلاين لازم حضور شخصي في مكتبهم في شرق
خذينا الباكج وزدنا عليه سعر غرفة مواجهه عالبحر
طلع فندق الشنغريلا في مسقط مكون من ٣ فنادق
الواحة: للي عنده اطفال تكون مرافق الترفيهيه للاطفال قريبه جدا منه
البندر: مخصص لرجال الاعمال والعوايل اللي عندهم مراهقين وغرفتهم اكبر شوي من الواحة
وسعر الغرفه بالفندق اغلى ب ١٥ دينار لليلة الوحدة
الحصن: لشهر العسل والازواج بدون اطفال لان ممنوع دخول الاطفال اليه
حلو للي يبي مكان هادي واستجمام وبعيد عن ازعاج اليهال
غرفته اكبر من الواحة والبندر وسعره زيادة ٥٠ دينار لليلة بغرفه الديلوكس
احنا اخترنا الواحة لان معانا بنتنا ٤ سنوات
ونصحونا فيه لان حمامات سباحة الاطفال ونوادي الاطفال الترفيهيه موجوده داخله
الفندق يبعد عن مطار مسقط ٤٥ دقيقة بالسيارة
ومافي يمه اسواق او اي شي قريب
داخلة عدة مطاعم فندقية
اسيوي ولبناني وبحري وقهاوي للخفايف وغيره من المطاعم
هذا لوبي الواحة
قدموا لنا عصير تفاح بالفراولة وايس كريم للاطفال عند وصولنا الفندق
غرفة ديلوكس مطله عالبحر
حجمها معقول ومريحة
تكرمون الحمام اهم ميزه فيه رشاش الماي
لان معظم فنادق ال٥ نجوم ماتوفر الرشاشات فيها
وصلنا بالليل وكنا تعابى طلبنا من خدمة الغرف العشا
مشاوي ايرانية كلش ما ننصح فيه اللحم زفر ويابس
سلطة ربيان كوكتيل لذيذة
مرق كاري اخضر تايلندي سبايسي وايد لذيذ
وجبة للاطفال اصابع نقانق الدجاج
ثاني يوم الصبح صورنا المنظر من غرفتنا
موقع الفندق حدة عجييييب بين جبال والبحر والشاطي نظييييف
الشاطئ قريب جدا من القندق خطوات ولا انت عند البحر شي خيااالي وجمييل
هذا تقريري الاول عن فندق الشنغريلا مسقط
بحط جزء ثاني للمرافق الترفيهية اللي موجودة داخلة
انتظروا التقرير :)
Filed under: Cool Stuff, Flight, Food, Hotels, Oman, Sea, Sports 
